Ⓜ️ နေ့သစ်မင်္ဂလာအတွက် ကျေးဇူးတော်ကို စတင်ချီးမွမ်းပါ။ ယနေ့အတွက် ကျေးဇူးတော်ကို တစ်ခုချင်းစီ ရေတွက်ပါ။ မြင်နေရသော ကောင်းကြီးတွေ မရေတွက်ခင် မမြင်ရတဲ့ ကောင်းကြီးတွေကို ရေတွက်ကြည့်ပါ။ အသက်ရှုလိုက်တိုင်းအတွက် တန်ဖိုးပေးရမယ်ဆိုရင် ပေးဆပ်နိုင်သလား။ အောက်ဆီဂျင်မလုံလောက်လို့ ဆေးရုံတက်နေရတယ်ဆိုရင် ကုန်ကျမှု့အတော်လေးများနေမှာပဲ။

Ⓜ️ ရှုသွင်းလိုက်တဲ့လေထဲမှာ မမြင်ရတဲ့ အငွေ့အဆိပ်တွေအများကြီးရှိတယ်လို့ ဖတ်ဖူးပါတယ်။ ဒါတွေကို သန့်စင်ပေးထားတယ်။ နံက်တိုင်း ကျေးဇူးကရုဏာအသစ်ကို ပြင်ဆင်ပေးတယ်။ ရေတွက် စဉ်းစားကြည့်ပါ။

Ⓜ️ မြင်နေရတဲ့ ကိုယ်တော်ရဲ့ ကောင်းကြီးရော ဘာတွေမြင်ရသလဲ။ သူဖန်ဆင်းထားတဲ့ သဘာဝတွေမြင်ခွင့်ရခြင်းကနေ စရေတွက်ကြည့်စမ်းပါအုံး။ ဒါတွေ ရေတွက်တတ်ရင် မချီးမွမ်းပဲမနေနိုင်ပါဘူး။ မရေတွက်တတ်သူဟာ ဘယ်သောအခါမှ အလိုဆန္ဒပြည့်နေမှာ မဟုတ်ဘူး။ ချီးမွမ်းနိုင်မှာမဟုတ်ဘူး။

Ⓜ️ ချီးမွမ်းတတ်ရင် ချီးမွမ်းစရာချည်းပါပဲ။ ကျေးဇူးတော်သာ ရေတွက်တတ်ရင် သင့်ရဲ့နှလုံးသားဟာ ပေးကမ်းသော နှလုံးသားဖြစ်လာလိမ့်မယ်။ လိုနေသောသူတွေကို မစသောလက်ဖြစ်လာလိမ့်မယ်။ ပေးသီးစိုက်တတ်လာမယ်။

ဆာလံ၊ ၁၀၃း၁-၅ -အို ငါ့​ဝိ​ညာဉ်၊ ထာ​ဝ​ရ​ဘု​ရား​ကို ကောင်း​ချီး​ပေး​လော့။ ငါ၏​အ​ထဲ​မှာ​ရှိ​သ​မျှ​တို့၊ သန့်​ရှင်း​သော​နာ​မ​တော်​ကို ကောင်း​ချီး​ပေး​ကြ​လော့။ 2အို ငါ့​ဝိ​ညာဉ်၊ ထာ​ဝ​ရ​ဘု​ရား​ကို ကောင်း​ချီး​ပေး​လော့။ ကျေး​ဇူး​တော်​အ​ပေါင်း​ကို မ​မေ့​လျော့​နှင့်။ 3သင်၏​အ​ပြစ်​အ​လုံး​စုံ​တို့​ကို​ဖြေ​လွှတ်၍၊ သင်၏​အ​နာ​ရော​ဂါ​ရှိ​သ​မျှ​တို့​ကို​လည်း ပျောက်​စေ​တော်​မူ၏။ 4သင်၏​အ​သက်​ကို ဖျက်​ဆီး​ခြင်း​ထဲ​က​ရွေး၍ ကျေး​ဇူး​တော်၊ က​ရု​ဏာ​တော်​များ​နှင့် သင်၏​ခေါင်း​ကို ပတ်​ရစ်​တော်​မူ၏။ 5သင့်​ကို​အ​သက်​ကြီး​စဉ်၊ ကောင်း​သော​အ​ရာ​နှင့် ရောင့်​ရဲ​စေ​တော်​မူ​သ​ဖြင့်၊ သင်၏​အ​ရွယ်​သည် ရွှေ​လင်း​တ၏​အ​ရွယ်​ကဲ့​သို့ ပြု​ပြင်​ခြင်း​ရှိ၏။