“မာရိမှစ၍ လိုက်လာသောယုဒလူတို့သည် ငိုကြွေးကြသည်ကို ယေရှုသည်မြင်တော်မူသောအခါ၊ အလွန်ညှိုးငယ်ခြင်း၊ စိတ်ပူပန်ခြင်းရှိ၍၊- အလောင်းကို အဘယ်မှာထားကြသနည်းဟု မေးတော်မူလျှင်၊ သခင်ကြွ၍ ကြည့်တော်မူပါဟု လျှောက်ကြ၏။- ယေရှုသည် မျက်ရည်ကျတော်မူ၏။- ယုဒလူတို့က၊ ကြည့်ပါ၊ လာဇရုကို အလွန်ချစ်တော်မူပါသည်တကားဟု ဆိုကြ၏။-”
ရှင်ယောဟန် 11:33-36 JBMLE
ဤကျမ်းပိုဒ်ဟာ လူသားတို့၏ ဝမ်းနည်းခြင်းအပေါ်မှာ ယေရှုခရစ်တော်၏ ကရုဏာတော်နက်ရှိုင်းစွာ ရှိနေခြင်းကို ဖော်ပြသည်။ လာဇရုသေဆုံးခြင်းကြောင့် ငိုကြွေးနေသော မာရိနှင့် ယုဒလူများကို မြင်သောအခါ ယေရှုသည် စိတ်နှလုံးထဲတွင် နာကျင်ညှိုးငယ်ပြီး မျက်ရည်ကျခဲ့သည်။ ထိုအချက်သည် ကျွန်ုပ်တို့၏ ဝမ်းနည်းခြင်းနှင့် ဆင်းရဲဒုက္ခများကို ဘုရားသခင်က နားလည်ပြီး ကျွန်ုပ်တို့နှင့်အတူ ခံစားပေးကြောင်း ထင်ရှားစေသည်။
သင်၏ ဘဝ၏အခက်အခဲများနှင့် ဝမ်းနည်းခြင်းများကို ရင်ဆိုင်နေရချိန်တွင် ယေရှုသည် သင်၏မျက်ရည်များကို မြင်နေကြောင်း သတိရပါ။ ယေရှုသည် သင်နှင့်အတူ ဝမ်းနည်းပြီး သင့်အား ချစ်ခြင်းရုဏာဖြင့်ဖေးမလိုသည်။ သင့်ဝန်ထုပ်ဝန်ပိုးများကို ခရစ်တော်ထံအပ်နှံပါ၊ သင့်အား ငြိမ်သက်ခြင်းနှင့် ခွန်အားပေးမည်ဖြစ်သည်။
“ထာဝရဘုရားသည် နှလုံးကြေကွဲသောသူတို့ကို နီးကပ်စေတော်မူ၏” (ဆာလံ ၃၄:၁၈)။
ယေရှု၏ချစ်ခြင်းမေတ္တာသည် သင့်အား အမြဲထောက်ပံ့ပေးနိုင်သည်။ သင့်ကို သိပ်ချစ်သော ဘုရားဖြစ်သည်။ ကျွန်ပ်တို့သည် သူ့ကိုသတိမရသည့်တိုင်အောင် သတိရနေသူဖြစ်သည်။ ကျွန်ပ်တို့ ဝမ်းနည်းနေချိန်တိုင်း၊ ကြေကွဲနေကြရချိန်တိုင်းတွင် အနားမှာနေ၍ မစတော်မူမည်။
ဆုတောင်းချက်
ကောင်းကင်ဘုံရှင်အဖ —
ကျွန်ပ်ကိုချစ်တော်မူသောကြောင့် ကျေးဇူးတင်ပါ၏။ ဝမ်းနည်းနေချိန်၊ ကြေကွဲမျက်ရည်ကျနေရသည့်အချိန်၌လည်း အနီးနားမှာရှိ၍ နှစ်သိမ့်ပေးကြောင်းသိရလို့ကျေးဇူးတင်ပါသည်။ ယနေ့တွင် အကြောင်းအမျိုးမျိုးကောင့် ဝမ်းနည်းမျက်ရည်ကျသောသူများ၊ ကြေကွဲနာကြင်နေရသောသူများကိုလည်း နှစ်သိမ့်ခွန်အားများ ပေးသနားတော်မူပါ။ သူတို့နှင့်နီးတော်မူပါ။ သခင်ယေရှုနာမ၌ ဆုတောင်းပါ၏။ အာမင်။
Leave a Reply