ဆာလံ၊ ၄၀:၁-၂
၁ ငါသည် ထာဝရဘုရားကို စေ့စေ့မြော်လင့်သည်ကာလ၊ ငါကို မျက်နှာပြု၍ ငါအော်ဟစ်သော အသံကို ကြားတော်မူ၏၊၊
၂ ပျက်စီးရာတွင်းနှင့်အလွန်ဆိုးသော ရွှံ့ထဲက ငါ့ကို ဆယ်နှုတ်ပြီးလျှင် ငါ့ခြေတို့ကို ကျောက်ပေါ်မှာ တင်၍ ငါခြေရာတို့ကို တည်စေတော်မူ၏၊၊
မုန်တိုင်းဆိုတဲ့ အခက်ခဲပြဿနာ၊ ဒုက္ခဆင်းရဲခြင်းဆိုတာ မကြိုက်လည်းကြုံရမှာပဲ။ မဖိတ်ခေါ်ပဲလည်း ရောက်လာမှာပဲ။ ရှောင်လွှဲဖို့ ကြိုးစားနေရင်းကလည်း ပိုပြီးရင်ဆိုင်ကြုံတွေ့ရတတ်ပါတယ်။ လူ့ဘဝသက်တမ်းခရီးတိုလေးအတွင်းမှာ အကြိမ်ပေါင်းများစွာ ကြုံတွေ့ခဲ့ရပြီ ကြုံတွေ့နေကြရအုံးမှာပါပဲ။�ဒါပေမဲ့ မုန်တိုင်းအထက်မှာစိုးစံ၍ မုန်တိုင်းကိုငြိမ်းစောသော ယေရှူကို မျှော်ကြည့်တတ်ဖို့သာအရေးကြီးသည်။
ဒံယေလနှင့်အဖွဲ့ဟာ ခြင်္သေ့တွင်းထဲရောက်သွားကြသည့်တိုင် အထက်ကိုသာမျှော်ကြည့်တယ်။ ဘုရားရှင်ရဲ့မစခြင်းကိုခံစားကြရတယ်။ ဒံယေလတို့ကိုးကွယ်သောဘုရားဟာ ယနေ့သင်ကိုးကွယ်သော ဘုရားမဟုတ်လား။ ဒုက္ခဆင်းရဲခြင်းထဲက ကယ်မဖို့ရန် သူကိုယ်တိုင် ဒုက္ခဆင်းရဲခြင်းကို ခံယူ၍ ထိုဆင်းရဲခြင်းထဲက ထမြောက်အောင်မြင်သောအရှင်ဖြစ်တယ်။ ဒုက္ခထဲက ခေါ်ကြည့်ပါ။မျှော်ကြည့်ပါ။ သင့်ကိုကယ်မမည်ဖြစ်သည်။
ယောန၊ ၂:၁-၂
၁ ငါး၏ဝမ်းထဲမှာနေစဉ်တွင်၊ ယောနသည် မိမိဘုရားသခင် ထာဝရဘုရားကို ဆုတောင်းသောစကား ဟူမူ ကား၊
၂ ငါသည် ဒုက္ခဆင်းရဲကိုခံရသောကြောင့်၊ ထာဝရဘုရားကို ဟစ်ခေါ်၍ ငါ့စကားကို ကြားတော်မူ၏။ မရဏာ နိုင်ငံ၏ဝမ်းထဲက ဟစ်ခေါ်သောစကားသံကို နားထောင်တော်မူ၏။
Leave a Reply